媽咪姐手帳: 阿倫寶刀未老
周日（ 7日），「環球唱片」四代男歌星阿倫、克勤、孫耀威同埋張敬軒齊齊喺屯門市廣場搞簽唱會。大家估吓邊個最令 fans瘋狂？答案係……阿倫！
話說阿倫應記者邀請，企喺幾塊布景板前影相，點知塊板忽然移位，差點令阿倫仆親。原來係啲 fans為咗想望阿倫，將塊布景板推開！之後四位歌星合照，阿倫忽然又俾企後邊嘅女 fans箍頸，搞到要克勤同張敬軒救駕。阿倫真係寶刀未老！
受歡迎程度爆燈 - 阿倫其後走到人堆，但有 fans乘機捉實佢唔放，後來勞煩到張敬軒同「食蕉」哥哥出手，先成功脫離「魔爪」
阿倫本來挨實塊板，擺晒甫士影相，但塊板失驚無神有異動，搞到佢差啲 PK。
粉絲爭住睇 原來有粉絲想移開塊板，一睹阿倫嘅風采，夠晒瘋狂。
資料來源: 2010年03月12日 忽然一周763期
