來源: 都市日報

臨近八月，又係中五會考放榜的日子，今次是改學制前的「末代放榜」，一眾藝人已經開始為考生打氣。昨日譚詠麟、鄭秀文及Mr.等出席《太陽計劃2010永不放棄會考放榜打氣大會》，均表示不用感到太 大壓力。

阿倫表示，小時候不被老師看好，但結果考出來的成績卻是全校第二，每次考完試都有時間覆卷。會考三科主科中、英、數主科全部攞C，他鼓勵學生不要太大壓力，最重要用心去學。他又大爆好友彭健新重讀多次，由師兄變學弟，笑言對方是因為覺得書太貴，讀多幾次才抵。對於時下莘莘學子壓力大，有些甚至自殺輕生，阿倫回應道：「學識係一生一世嘅，一定畀心機，成績未如理想的話，可以重考。」至於他的囝囝譚曉風讀國際學校，不是新學制下的學生，問他會否讓囝囝在外地升學？他卻不願回答：「唔講個仔喇，三個月後先匯報一次啦！」
同場的鄭秀文則稱當年考會考時已入行，結果只考得中、英兩科合格。她曾試過想進修，但因學歷不夠而被拒，所以奉勸學生有機會還是多讀點書較好。

放棄學業不後悔

另外，韓君婷昨日亦出席了一個會考活動。她表示自己也曾經歷過會考：「我係喺新加坡考會考的，其實新加坡同香港差不多，但係新加坡好多人都會上大學，如果讀不到會好醜。」

君婷不諱言以前讀書壓力都很大，但她亦成功考進大學，她表示：「那時18歲，我都入到大學，已經有入學紙，但係我反而想出來工作，當時我做了一件事，就是將入學紙收埋在書裏面，同阿爸講自己讀唔到。隔了多年後，因搬屋終被爸爸發現入學紙，這刻才可以釋放這個秘密。」問她可有後悔放棄學業？她坦言：「冇後悔這決定。」

Tags: Alan Tam,譚詠麟
Categories: 新聞消息
No Comments » 284 Views